كيفية تحضير كيكة بالبرتقال ساهلة وزوينة مذاقها لايقآاوم - orange cake

كيفية تحضير كيكة بالبرتقال

الطبقة الأولى :

• 5 أصفر البيض (ونحتفظو بالأبيض حيت غانحتاجوه للطبقة الثالثة)

• 5 معالق كبار سنيدة

• 7 معالق كبار دقيق

• 1 خمارة

• كاس ديال الزبدة مذوبة

ندخلوها للفران و نردو البال راها دغيا كتطيب

الطبقة الثانية :

• فكسرونة كنديرو نصف لتر عصير البرتقال

• 4 معالق كبار نشا

• 3 معالق كبار سنيدة

نخليوها على نار مهيلة و حنا كنحركو حتى تعقاد. ملي تعقاد نخليوها تبرد ملي تبرد نخويوها فوق الطبقة الأولى

الطبقة الثالثة: مورانغ

• 5 ابيض البيض نكونو درناهم فالثلاجة من قبل بردو ونطربو مزيآآآن بالطراب و حنا كنضيفو سنيدة شوية بشوية. غنحناجو 3معالق كبار ديال سنيدة. الاناء خاصو يكون ناشف مزيآان و حتى الخلاطات

ديال الطراب يكونو مغسولين و منشفين باش تطلع لينا

صافي ملي تطلع الكريمة نخويوها على الطبقة الثانية و نخلوها للفران يكون سخون غير باش تحمر من لفوق حضيو لاتحرق دغيا كتحمر . و بالصحة و الراحة.