ميني تارتوليت بشكل جميل

المقادير:
بالنسبة للعجين إستعملت العجين المورق
3 تفاحات
400غ فراولة
200غ حب الملوك
سكر
200ملل كريم فريش
3 ملاعق نوتيلا
20غ شكولا ميلكا
2 ملاعق زبدة
ماء
قرفة
2 أوراق الحيلاتين
بالنسبة للتزيين فواكه حسب الرغبة + الناباج

تحميل تطبيق لالة بهية لبصلك جميع وصفاتنا ومنشوراتنا اول باول

 https://play.google.com/store/apps/details?id=com.lalabahiya

الطريقة:
أولا ناخدوا العجين المورق ندلكوه رقييييق نديروه فمولات الصغار، نتقبوهم بالفرشاة نوزعوا عليهم القطنيات أنا استعملت اللوبية باش العجين مايتنفخش لينا وندخلوهم الفران يطيبوا مللي نخرجوهم نخليوهم يبردوا مزيان عاد نحيدوهم من المولات.

نوحدوا الحشوات
الأولى:
3 تفاحات نحيدوا ليهم لقشور ونقطعوهم صغار نديروهم فكاسرونة مع نصف كأس ماء غير يبدا يتغلى نزيدوا 2 معالق زبدة و 3 معالق سكر نخليوهم حتى يشربوا داك الماء نحيدوهم على النار ونمعكوهم بالفرشيت ونعمروا بهم نص التارتوليت ديالنا والتزين بالفاكهة والناباج

الثانية:
ناخدوا الفراولة وحب الملوك نقطعوهم صغار ونديروهم فكاسرونة مع 2 معالق ماء و 3 معالق سكر ونخليوهم على نار مهيلة حتى يتغير اللون ديالهم ويدبالوا، ناخدوهم نديروهم ف صفاية نحيدوا منهم داك السيروا ونعمروا الطارتوليت ديالنا ونزينوهم بالفراولة وحب الملوك
(بالنسبة لداك سيروا غادي ينفعنا نديزوه مع الفلان أو ياغورت طبيعي أو شي طارط) يعني حتى حاجة ما ترمى

الثالثة:
نحضر في إناء على النار نضع الكريمة والنوتيلا، شكولا ميلكا نخلطو، نضيف له اوراق الجيلاين بعدما وضعناها في الماء البارد، نزيل الخليط من فوق النار ونصبه في التارتوليت ويوضع في الثلاجة حتى يتماسك

تحميل تطبيق لالة بهية لبصلك جميع وصفاتنا ومنشوراتنا اول باول

 https://play.google.com/store/apps/details?id=com.lalabahiya