منقول دواء لكل من يعاني من ارتفاع الضغط

السلام عليكم حبيباتي كاملين
اليوم جبت ليكم دواء غدي ترحموني عليه

أختكم نجاة هذي أربع سنوات وأنا كنعاني من رتفاع الضغط دائما عندي
16 وطبيب حضرني من أكل الملح ـ قال لي تاكلي المسوس طول حياتك
وأنا عدويا المكلا مسوسَا ـ يعني مرة كنعمل رجيم ومرة كناكل الملح
ورجلي كيتنفخو ووجهي حتى مليت حالتي ـ أما الأن الحمد لله وشكر لله
هذي مدة شهراين نزل عندي الضغط وأصبح عادي قالي طبيب أش
عملتي ـ والله العظيم يأخواتي أنا الأن ممصدقاش أنني تشفيت نهائيا

إوَا بغيتو تعرفوه راه ساهل ورخيص وفي كل بيت منطولش عليكم

أخواتي هذ الدواء راه ساهل أفمتناول الجميع أقسم بالله العلي العظيم إلى
راني تهنيت ورتاحيت ملي ستعملتو

لدواء هو ـ 2 ضروس ديال الثوم ـ 6 أو7 من حبوب الحلبة
هذ المقادر ديال كل نهار بحدو ـ يعني كل نهار 2 ضروس من الثوم
والحلبة ـ

الطريقة

نحك الثوم خضر في الألة ديال الثوم ونعملوها في كأس ديال الماء
الكأس صغير لكنشربو فيه أتاي ونحركوه مزيان حتى يطلق ونعملو
ديك شوية ديال الحلبة في فمنَ وندوزوها بلكأس ديالنا كل صباح
ماشي على الريق حتى نفطرو لمدة 7 أيام

أما أنا غير كيف لهبيل وعطاوه بندير ههههه ستعملتو كثر من أسبوع
المهم حبيباتي الله يشافي كل مريض عندكم ويلبسو ثوب الصحة
والعافية ولجميع مرضى المسلمين يارب أمين

لا تنسوني من ذعائكم في ظهر الغيب