الطريقة الناجحة لعمل الدجاج محمر بالزيتون
المقادير:
دجاج مرقد في الحامض والملح ومغسول مزيان
زيتون
ملح
بزار
سكينجبير
خرقوم بلدي
قرفة
تومة مدقوقة
معدنوس مقطع ومن الاحسن قزبر
خلطت جميع هاد العطرية مع ملعقة ديال السمن وزيت بلدية ورومية
ورقدت فيهم الدجاج ليلة كاملة
من بعد مرقت بحساب للي غيطيب ليا فيه الدجاج انا هنا كان عندي دجاج بلدي
خليتو تاغلا
وزدت عليك 2 بصلات كبار مشلظين مزيآآآآن
نهز من المرقة ديال الدجاج ونظيفها لزيتون للي سبق وسلقتو وصفيتو ونخليه يكل طيابو فيها
ناخد 2 معالق كبار عسل كندوزهم فوق الدجاج
ونخلي الغطاء مهزوز عليه باش تشرب لينا المرقة
من بعد نهز الدجاج باش نحمرو
السر 3
ناخد السمن الحار ونضيف ليه قليل من الملون الاصطناعي
ندهن بيه الدجاج
وندخلو للفران يتحمر
و بالصحة و الراحة
ليست هناك تعليقات:
إرسال تعليق